Apollo et Hyacinthus (Apollo e Giacinto)

Hyacinthi Metmorphosis

Intermezzo in latino

Musica di Wolfgang Amadeus Mozart
Libretto di Rufinus Widl

Fonti letterarie: Le metamorfosi di Ovidio.
Prima rappresentazione: 13 maggio 1767, Aula Magna dell’Università di Salisburgo.

Personæ
Oebalus, Lacedemoniæ Rex, Tenor.
Melia, Oebali Filia, Sopranus.
Hyacinthus, Oebali Filius, Sopranus.
Apollo, ab Oebalo hospitio exceptus, Altus.
Zephyrus, Hyacinthi intimus, Altus.
Sacrificulus Apollinis primus, Bassus.
Sacrificulus Apollinis secundus, Bassus.
Scena fingitur in urbe Sardi.

Libretto – Apollo e Giacinto

PROLOGUS
Oebalus Rex, fulmine aram Apollini
sacrificantis destruente territus,
a suis erigitur et Apollinem exsulem excipit.
Hyacinthus, Zephyrus, deinde Oebalus et Melia.

Hyacinthus:
Amice! Iam parata sunt omnia.
Aderit, ut spero, cum sorore dilecta meus
Ad sacra, quae constituit, actutum Pater.

Zephyrus:
Ni fallor, est Apollo, quem colitis.

Hyacinthus:
Hic est.

Zephyrus:
Apollini ergo tanta sacrificia parat Oebalus?
An alios nescit in coelis Deos?
An Semelis ergo natus, an Juno, Venus,
Diana, Mars, Vulcanus, an Supernum potens
Caput atque Princeps ture nil vestro indigent?

Hyacinthus:
Quibusque consecramus, o Zephyre! Diis
Nullusque nostris vacuus a templis abiit:
At solus istud Apollo sibi templum suo
Vindicat honori. Genitor hunc magnum Deum
Veneratur, et ego veneror exemplo Patris.

Zephyrus:
O care! Quam libenter offerrem ilia
Pectusque, si tu Apollo mihi meus fores!